💛الفراخ المحشيه والمشويه بفرن البوتاجاز 💛
طريقه عمل الفراخ /الدجاج المحشي بالرز ومشويه بفرن البوتاجاز أطيب الأكلات اللي تزيين سفرتك خاصه في المناسبات والأعياد والحفلات، جربوها بطريقتي أن شاء الله تعجبكم جدا 👌👌👌
المقادير :
👈نقع الدجاج؛
_لتر ماء
_معلقه كبيره خل
_معلقه كبيره ملح +عصير الليمون
_م ص زنجبيل بودره.
👈تتبيله الدجاج؛
_ثلث كوب زبده ساخنه
_٢ فص ثوم
_معلقه كبيره ملح
_معلقه كبيره كاتشب
_معلقه كبيره سماق
_معلقه صغيره بهارات دجاج
_معلقه صغيره صوص ورشيستر
_نصف معلقه صغيره فلفل اسود.
👈لطبخ الأرز؛
_ واحد ونصف كوب أرز
_ ٢ ونصف كوب شوربه أو ماء مغلي
_معلقه صغيره سكر +معلقه كبيره صلصه
_بصله مبشوره ناعم
_م ص ملح + م ص بهارات مشكله
_نصف م ص كركم + نصف م ص فلفل اسود
_ورق لورا + ٣ هيل + حبه لومي +٢ قرنفل.
👈 جارنيه تحت الدجاج؛
_ بصل شرائح
_ورق لورا +عود قرفه +هيل.
الطريقه :
_بعد أن نغسل الدجاج (وزن كيلو جرام) وننقعها لمده نصف ساعه في ماء وخل وملح وعصير ليمون ورشه زنجبيل بودره وننشفها كويس جدا من الماء.
_نجهز التتبيله؛ نسخن الزبده جيدا حتى تأخذ لون بني فاتح ونضيف عليها الثوم والتوابل ملح، فلفل اسود، سماق، بهارات دجاج، كاتشب، صوص ورشيستر حسب الرغبه، ونخلطهم جيدا ثم ادهن بها الفراخ جيدا من الداخل والخارج (نترك فقط معلقه من التتبيله هنحتاجها مع الجارنيه تحت الدجاج في صنيه الفرن).
_نجهز الأرز؛ هنستخدم الرز البسمتي بعد أن نغسله جيدا وننقعه لمده نصف ساعه ونصفيه من الماء.
_في حله على البوتاجاز نضيف معلقه السكر ونتركها حتى تتكرمل، ثم نضيف البصله المبشوره، ثم صلصه الطماطم، ونضيف عليهم قطعه صغيره زبده، ثم نضيف التوابل البودره والتوابل الصحيحه ونشوحهم مع بعض.
_نضيف الرز ونقلب شويه ثم نضيف الشوربه المغليه أو ماء مغلي (الأفضل شوربه).
_نتركها على نار عاليه حتى يبدأ الرز في تشرب الماء أو الشوربه نغطيها ونهدي النار.
_بعد حوالي خمس أو عشر دقائق ناخذ كميه من الرز لحشو الدجاج والباقي نتركه على نار هادئه حتى يستوى.
_نحشي الدجاج بالارز.
_في صنيه الفرن ندهنها بالزيت أو الزبده ونضع جارنيه بصل ورق لورا وعود قرفه ولومي + معلقه من تتبيله الدجاج وندعكهم جيدا، ونضع عليهم الدجاجه المحشيه ونقفلها من الأسفل بخله أسنان، ونلم الأرجل ونلفها بورق فويل.
_نغطيها بورق زبده ثم ورق فويل، ندخلها الفرن وهو ساخن على حراره ٢٠٠، وبعد نصف ساعه نشيل ورق الزبده والفويل وندخلها الفرن تاني لمده ٣/٤ ساعه.
_حسب الفرن لو ما اتحمرت لسه نشغل عليها الشوايه ثواني.
_نقدمها مع الرز.
_رهيبه طعم وريحه جربوها أن شاء الله هتعجبكم جدا 👌👌🥰🥰🥰
تلك كانت وصفه الدجاج المحشي والمشوي بفرن البوتاجاز باطيب طريقه ممكن تجربيها وتعتمديها دائما في المناسبات وسفره العزومات هتعجبك جدا هذه الطريقه، فالدحاح المحشي من أفضل الوصفات واشهرها في سفره العزومات ومن المهم جدا أن نعتمد وصفه ناجحه وطيبه تشرفنا أمام ضيوفنا، وتلك كانت أطيب طريقه جربتها وبعتمدها دائما.
ومن أشهر الأصناف وأهمها أيضا على سفره العزومه هي الحمام المحشي سواء محشي بالارز أو الفريك.
وتلك وصفه الحمام المحشي بالفريك، أسهل طريقه وأطيبها.
الحمام المحشي بالفريك:
الطريقه؛
_ينقى الفريك جيدا من الحصى ثم يغسل جيدا وينقع لمده ساعتين ثم يصفي جيدا.
_في حله على االبوتوجاز نضع ملعقتين من السمنه البلدي ونشوح بصله مفرومه ناعم حتى تذبل ثم نضيف الفريك ونشوحه مع السمنه البلدي والبصل (ويمكن أن نستغني عن البصل) ثم نضيف الماء المغلي مع ملعقه صغيره من الملح ونصف ملعقه صغيره من الفلفل الأسود، ويمكن اضافه ملعقه صلصه طماطم أيضا حسب الرغبه.
_عندما يستوي الفريك ٣/٤ سوى نطفي النار ونتركه يبرد قليلا ثم نحشي به الحمام، نحشي داخل الحمام وتحت الجلد من ناحيه الرقبه.
_نغلق الحمام جيدا بتكتيف الأرجل ونسلقه في ماء مغلي به بصل وجزر وورق لورا ومستكه وهيل وملح وبذور فلفل اسود، ويسلق لمده ساعه.
_نتركه يبرد اولا ثم يحمر في السمنه البلدي.
يشرفنا تعليقكم ونقدكم البناء ❤️❤️❤️